اية الفرق بين Scrum و Kanban؟ و امتى اختار كل واحد؟

الـ Scrum بيشتغل على دورات زمنية ثابتة اسمها “سبرنت” (أسبوع لأسبوعين)، وفيه أدوار واضحة زي الـ Product Owner (مسؤول عن المنتج وأولوياته) والـ Scrum Master (بيسهّل الشغل ويشيل العقبات)، وممارسات ثابتة زي الـ Planning في البداية، والـ Daily Standup كل يوم، والـ Review والـ Retrospective في الآخر. ده بيدي الفريق إيقاع منتظم وتسليمات متوقعة، بس بيبقى صعب تغيّر نطاق الشغل وسط السبرنت.

مناسب للفرق اللي بتبني منتج وعايزة انضباط، تخطيط دوري، وقدرة على التنبؤ بالتسليم.

أما الـ Kanban بيركّز على تدفق الشغل المستمر من غير سبرنت. بتشتغل على لوحة مراحل (To Do / In Progress / Done)، وبتحدد عدد المهام المسموح بيها في كل مرحلة (WIP limits) عشان تمنع الزحمة وتكشف نقاط الاختناق. التغيير والأولويات بتتعدّل في أي وقت من غير ما تستنى دورة تخلص، والمقياس الأساسي هنا هو سرعة إنجاز المهمة (Lead/Cycle Time).

مناسب لـ: فرق الدعم والصيانة والتشغيل، أو أي شغل أولوياته بتتغير بسرعة.

أهم فرق عملي: الـ Scrum بيشتغل بمهام مخطّطة محددة لفترة زمنية ثابته، أما الـ Kanban بيشتغل بتدفق مرن ومفتوح للتغيير في أي لحظة.

نصيحتي:

• لو شغلك متقلب وطارئ والأولويات بتتبدّل كل يوم ← ابدأ بـ Kanban.

• لو عايز تبني انضباط وإيقاع ثابت وتسليمات متوقعة للفريق ← ابدأ بـ Scrum.

• ولو لسه بتجرّب أو الفريق صغير ← ابدأ بـ Kanban عشان أبسط، وتنقل لـ Scrum لما تحتاج تخطيط أعمق.