ما هي نصيحتك لحد لسه بادئ في إدارة المشاريع

لو كنت رجعت بالزمن، دي ٤ نصايح كنت هقولها لنفسي:

١. اسمع اكتر ما تتكلم. افهم الناس والشغل والسياق كويس قبل ما تقترح اي حل. اغلب القرارات الغلط اللي عملتها كانت بسبب اني اتكلمت بدري قبل ما افهم.

٢. ماتخافش تقول “مش عارف”. المصداقية اهم بكتير من انك تبان عارف كل حاجة. اول ما تدعي المعرفة وتتكشف، بتخسر ثقة الناس، والثقة دي بيبقى صعب قوي ترجع تاني.

٣. اهتم بالعلاقات زي ما بتهتم بالخطط. المشاريع بتنجح او بتفشل بالناس مش بالادوات. علاقة كويسة ومبنية على احترام بتعديك ازمات كتير اكتر من اي خطة محكمة على ورق.

٤. متجريش ورا الكمال، اتحرك واتعلم. القرار المتاخر بسبب الخوف غالبا بيبقى اغلى من القرار الغلط اللي بتصلحه بسرعة. اغلط بدري، وصغير، واتعلم.

وفوق ده كله اشتغل على نفسك باستمرار. المجال بيتغير بسرعة، واللي كان شغال امبارح مش بالضرورة ينفع بكرة خلي التعلم عادة مش موقف.