إزاي أحافظ على حماس وطاقة الفريق في مشروع طويل وممل؟

في المشروعات الطويلة الحماس بيقل لوحده وده طبيعي ومش معناه ان الفريق مش كويس فشغلك مش انك تخلي الحماس عالي طول الوقت وانما انك تمنع الطاقة انها تخلص

قسم المشروع لمراحل صغيرة لأن الهدف اللي بعد سنة بيبان بعيد ومش حقيقي لكن الهدف اللي بعد أسبوعين بيبان ولما كل مرحلة تخلص احتفل بيها ولو بحاجة بسيطة عشان الفريق يحس انه بيتقدم ساعات كنا بنعمل غدا سوا لما نخلص 😁

فكرهم دايما ليه بيعملوا الشغل ده وريهم أثر شغلهم على العميل أو المستخدم أو الشركة لأن الشغل الممل بيبقى أخف بكتير لما الواحد يبقى عارف هو بيعمله لمين وشاف اثره على العميل

غير في طريقة الشغل بدل المهام بين الناس واديهم مسؤولية عن أجزاء يكونوا هما أصحاب القرار فيها و دة بيكسر الملل لان الملل غالبا بيجي من التكرار والإحساس ان مالكش رأي

خلي بالك من الإرهاق ما تضغطش الفريق بنفس السرعة طول المشروع لأن ده سباق طويل مش جري سريع يعني نظم نفسك انت و الفريق على مراحل المشروع واسأل كل واحد كل فترة هو عامل ايه بجد مش بس الشغل ماشي ازاي

وفي الآخر طاقتك انت بتنتقل لهم لو انت زهقان أو بتشتكي من المشروع الفريق هيحس بده حتى لو ما قلتوش فخلي بالك