إزاي أقول "لأ" لمديري بحيث ماعملشي مشكلة؟

الفكرة مش انك تقول لأ وخلاص لما مديرك يطلب منك حاجة فهو عنده شغل محتاج يخلص لو قلت لأ وسكت يبقى سبته في نفس المشكلة من غير حل لكن لو رفضت ووضحت السبب واقترحت بديل هيشوفك بتساعده مش بتتهرب تعلمل كدة ازاي بقي:

١- ارفض الطلب مش الشخص يعني وضح بانك فاهم أهمية الطلب وبعدين قول ليه مش هتقدر تعمله دلوقتي مثلا انا فاهم ان ده مهم بس لو مسكته دلوقتي المشروع اللي معايا هيتأخر

٢- خليه هو يختار الأولوية بدل ما تقول مش هقدر قول عندي كذا وكذا تحب أقدم ايه وأخر ايه كده انت مش رافض انت بتوريله الصورة كاملة وبتسيبله القرار وده دوره أصلا

٣- اقترح بديل ممكن تعمل جزء منه أو تسلمه في معاد تاني أو ترشح حد في الفريق عنده وقت المدير غالبا مش محتاجك انت بالذات هو محتاج الشغل يخلص

٤- رد بسرعة وبوضوح أسوأ حاجة انك توافق وانت عارف انك مش هتلحق أو تفضل تأجل الرد الرفض الواضح بدري أحسن بكتير من الموافقة اللي تنتهي بتأخير أو شغل وحش

اختار معاركك لو كل طلب بترد عليه بلأ هتتشاف انك مش متعاون خلي الرفض للحاجات اللي فعلا هتأثر على شغلك أو على جودته