إزاي أقيم أداء حد في الفريق خبرته التقنية أكبر مني ولا أعرف أديله Feedback على شغله لما يكون أداؤه مش كويس

مش لازم تكون أشطر منه تقنيا عشان تقيمه لان دورك كمدير مش إنك تراجع كل سطر في شغله دورك إنك تقيم أثر الشغل ده على الفريق والنتايج

ركز على النتيجة مش على التفاصيل التقنية اسأل نفسك هل الشغل بيخلص في ميعاده هل الجودة بتعدي من غير مشاكل كتير هل بيتعاون مع الفريق ويساعدهم ولا بيعطلهم الحاجات دي تقدر تقيمها كويس جدا حتى لو مش فاهم كل التفاصيل الفنيةاستعين بغيرك في الجزء التقني زي مثلا Code اخباره اية من زملائه

اتفقوا من الأول على توقعات واضحة يعني يبقى متفق معاه على المطلوب منه ومواعيده وشكل النجاح بيبقى إيه ساعتها التقييم بيبقى مقارنة بحاجة اتفقتوا عليها مش رأيك الشخصي

ولما تديله Feedback خليك محدد بمواقف حقيقية ماتقولش شغلك مش كويس قول الميزة الفلانية اتأخرت أسبوعين والفريق اتعطل بسببها أو العميل اشتكى من كذا وبعدين اسأله هو شايف السبب إيه لان ساعات بيكون في عوائق انت مش شايفها

ومن غير ما تحس بنقص استعين بخبرته اسأله أسئلة واطلب منه يشرحلك قراراته ولو محتاج رأي تقني تاني اطلبه من حد تثق فيه ده مش ضعف ده بيخلي تقييمك عادل

وافتكر إن الناس الشاطرة تقنيا بتحترم المدير اللي يكون صريح وعادل وواضح أكتر من اللي بيحاول يبين إنه فاهم كل حاجةومن الحاجات المهمة جدا ان يكون عندك ملف بتكتب فيه ملاحظاتك اول باول عشان يكون عندك سجل و مايكونش تقييمك بس على اخر فترة بس