حصلت غلطة كبيرة من شخص الفريق إزاي أتصرف مع اللي غلط ومع الإدارة؟
أول حاجة اهدى وركز على الحل قبل ما تدور على المسؤول لان الغلطة حصلت خلاص والأهم دلوقتي انك تقلل الضرر بسرعة
مع الشخص اللي غلط اقعد معاه لوحده وبعيد عن الفريق واسمع منه حصل ايه بالظبط من غير اتهام افصل بين الغلطة والشخص يعني اتكلم عن اللي حصل وتأثيره مش عن انه مهمل أو مش كفء خليه يشارك في الحل لأن ده بيرجعله ثقته وبيعلمه أكتر من أي لوم واتفقوا مع بعض على اللي هيتغير عشان الغلطة دي ما تتكررش
مع الإدارة بقى بلغهم بدري وما تستناش لحد ما يعرفوا من حد تاني قولهم حصل ايه وتأثيره قد ايه وعملت ايه عشان تحله وايه اللي هيتغير بعد كده وخد المسؤولية قدامهم كمدير للفريق وما ترميش الغلطة على الشخص اللي غلط لأن الإدارة بتحاسبك على فريقك وده اللي بيبني ثقتهم فيك
وفي الآخر بص على السبب الحقيقي أغلب الغلطات الكبيرة مش بتحصل بسبب شخص واحد بتحصل لأن فيه حاجة ناقصة في طريقة الشغل زي مراجعة أو خطوة تأكيد أو تدريب اشتغل و صلح ده عشان تكون بكده تحمي الفريق كله مش بس الشخص ده
أسئلة ذات صلة
أولا: اتكلم بدري ومن غير ما تاجل. المشكلة بتكبر وبتبوظ علاقتك بالشخص لما تسكت عليها وتفضل مكبوت جواك. ثانيا: افهم السبب قبل ما تحكم. احيانا بيكون في ظرف شخصي، او مهام مش واضحة، او الشخص محتاج تدريب، او مش حاسس ان شغله ليه قيمة. اقعد معاه على انفراد و…
الفكرة مش انك تقول لأ وخلاص لما مديرك يطلب منك حاجة فهو عنده شغل محتاج يخلص لو قلت لأ وسكت يبقى سبته في نفس المشكلة من غير حل لكن لو رفضت ووضحت السبب واقترحت بديل هيشوفك بتساعده مش بتتهرب تعلمل كدة ازاي بقي: ١- ارفض الطلب مش الشخص يعني وضح بانك فاهم…
قبل ما تحاسب الفريق، اعرف الأول هم بيتأخروا ليه. التأخير المتكرر غالبا سببه طريقة الشغل نفسها، مش الناس بس. اسألهم بصراحة: إيه اللي معطلكم؟ ممكن يكون ضغط شغل زيادة، أو أولويات متلخبطة، أو مستنيين موافقة من حد. وضح المطلوب: إيه بالظبط اللي المفروض يتس…
لم تجد إجابة على سؤالك؟
اطرح سؤالك وسأجيبك شخصيًا خلال ٤٨ ساعة