عندي اتنين في الفريق مش طايقين بعض وده بيأثر على الشغل أتدخل ولا اعمل اية

أيوه لازم تتدخل طول ما الخلاف بينهم بقى بيأثر على الشغل يبقى الموضوع مبقاش شخصي وبقى مسؤوليتك كمدير بس خلي هدفك واضح انت مش مطلوب منك تخليهم يحبوا بعض المطلوب انهم يعرفوا يشتغلوا مع بعض باحترام ففي طريقتين:

الطريقة الأولى قعدة ودية اقعد مع كل واحد لوحده واسمع منه من غير ما تحكم ولا تاخد صف حد ساعات ممكن تلاقي المشكلة سوء فهم صغير وكبر مع الوقت وساعات هتلاقيها اختلاف في طريقة الشغل مش في الأشخاص نفسهم بعد كده اجمعهم واتكلم عن تأثير الخلاف على الشغل مش عن مين غلطان واتفقوا على قواعد واضحة زي مين مسؤول عن ايه وهيتواصلوا ازاي ولما يختلفوا هيعملوا ايه

الطريقة التانية قعدة رسمية لو تابعت بعد أسابيع قليلة ولقيت التصرفات مستمرة يبقى الموضوع بقى أداء وسلوك قيم كل واحد لوحده لأن ساعات واحد بيحاول بجد والتاني هو اللي مكمل وما تعاقبش الاتنين بنفس الدرجة اقعد مع اللي مكمل قعدة رسمية وقوله بوضوح ايه التصرف المرفوض والمطلوب منه وفي قد ايه وابعتله ده في ايميل بعدها عشان يبقى موثق ولو ما اتغيرش حاجة اشرك الموارد البشرية في إنذار رسمي أو خطة لتحسين الأداء ووضح ان ده هيأثر على تقييمه وترقيته ولو فضل مصمم يبقى القرار الأخير انك تستغنى عنه لأن شخص واحد بيسمم الجو ممكن يخسرك ناس كتير أحسن منه

وفي الحالتين ما تتجاهلش الموضوع على أمل انه يتحل لوحده وما تلعبشي دور القاضي اللي بيحكم مين الصح ومين الغلط